عمتي طوطو تكتب إن لم تخونني الذاكرة..”يامات برمة الببوش والبلوط مصلوق”
توحشت التبروري والليالي حياني والشتا الشتا الشتا والرعد والبرق وجري علي نجري عليك خأيف لا تفزگ ههه… وبعد المرات كاتحيد لك الصندالة وتمشي لك مع الماء وانت تابعها… والمرفح فينا هاز مظلة كاطير ليه مع قوة الريح الي ضد التيار ومع الشتا كا تم غادة به سايگاه وكايطيرو ليها السلوكة ههه … وما كاينش فين تخبع ههه…
والطريق كاتطوال وخا هكاك كانت زوينة وبزاف وكانت المتعة … ومنين تدخل كاتلقى الخبز مجمر على المجمر والزبدة الرومية د العبار شحال كانت تجي بنينة وأتاي مشحر بالشيبة…. ولا شي برمة الببوش ولا البلوط مصلوق واووو… ومن بعد كاتخشى في عبانة ولاصق حدا هاداك المجمر الي دايرين فوقو البقراج… ليام يا ليام…. ومن بعد كانديروا ديك العملية ديال نشوفوا وجهنا في البراد هههه كانت كاتعجبني بزاف وخصوصا مع خواتاتي وبنات خالتي…
أول مرة كانت كاتشدني حالة هيستيريا من الضحك وخصوصا منين كانديروا ديك اللعيبة ديال نشوفوا وجاهنا في دقة وحدة هههه… توحشت ديك الأوقات السعيدة… نهاركم جميل…. جيبوا لي غطاية جاني البرد… آجي نتشابكوا الرجلين ههه… گولوا ليام الزينة واش تولي!!!
