عمتي_طوطو: في فلك المسكوت عليه…شكون فيكم نسا ورجال عمرو ما تباس في صغرو وبطريقة غريبة..
في فلك المسكوت عليه…
شكون فيكم نسا ورجال عمرو ما تباس في صغرو وبطريقة غريبة من طرف جاره ولا صاحب باه ولا ولد الجيران ولا مول الحانوت كا يزير عليك يخرج فيك گاع المكبوتات ديالو ومن بعد يگول لمك ولا لباك الله يصلح العزري ولا البنية شكون فيكم ماخلاتوش أمه عند الجارة خاصها تمشي تقدا وترجع!!!
شكون فيكم منين يجيوا الضيفان يجمعوكم في غرفة وحدة ويخليوكم مع خوكم الكبير ولا ولد عمكم يحضيكم!!!! شكون فيكم ما عطاش ولدو للكسال ويمشي حتى يرجع ليه!!!!…
شكون فيكم عمرو سيفط ولدو لعند الفرناطشي يشوط ليه الكرعين ويبقى حداه حتى يقضي الغرض!!!!
شكون فيكم منين يرجع من المدرسة مايلقاش مالين الدار ويدخل لعند جاره حتى يجيوا وبعد المرات يزاوگ في الوالدين يخليوه يبات حتى للصباح!!! شكون الي عمرو قراه ولد الجيران وهو يمحكك نيفو على وجهك !!!!
شكون فيكم عمرو عطاه ولا عطاها عامس الفنيد !!!! شلا حوايج كانوا يدوزوا على عينينا وحنا كانعتبروهم عاديين !!!
#عمتي_طوطو
