رأي/ كرونيك
ما فهمتش هاد هاشتاغ تحول للاستقواء بالأجنبي!!..اش هاد توطنيت العوجة؟
واش فراسكوم بلي المغرب مصادق على اتفاقيات دولية كتعطي الحق للمواطنين ديالو يلتجؤو للآليات الأممية لحماية حقوق الإنسان؟
سوا في موضوع التعذيب أو التمييز أو تعنيف المتظاهرين أو عدم احترام شروط المحاكمة العادلة، أو التضييق على حرية الرأي والتعبير.
هادشي المغرب ساني عليه، وموافق عليه، وملزم يجاوب فواحد الآلية أممية كتسمى الاستعراض الدوري، على الملاحظات والاستفسارات لي كتوجه ليه فهاد المواضيع وغيرها، ولي جزء منها شكايات ديال مواطنين، أو ملاحظات ديال جمعيات حقوقية.
واش فراسكوم أن الاتفاقية ديال الشراكة بين المغرب والاتحاد الأوروبي لي عطاتو وضع “الشريك المتقدم” فيها التزامات خاص المغرب يحترمها في مجال حقوق الإنسان.
واش مفراسكومش بلي هادشي بحالو موقعو مع الولايات المتحدة الأمريكية في إطار برنامج الألفية الثالثة…
وهادشي لي ساني عليه المغرب أكثر من هاشتاغ بلونكلي او فغونسي ولي ماشي اول مرة كيتدار.
الاستقواء بالأجنبي!! مالهوم طلبو تدخل بدبابات الناتو،؟؟
اللجوء لطلب الدعم الحقوقي أمر المغرب مصادق عليه.
مبغيناش الأمور توصل لهاد الحد، وكنا كنتمناو أن قضية لها ارتباط بقطاع استراتيجي بحال التعليم، تحل بالحوار، ماشي فالشارع، لكن ملي كتسد أبواب الحوار، فالمسؤولية يتحملها من أغلق منافذ الحوار، وبغا يفرض الأمر الواقع.
استقواء بالأجنبي قال ،،،، وأنت ماكرون فعز أزمة حراك الريف خاشي نيفو ،وعاطي تصريح فالموضوع فقلب وزارة الخارجية المغربية….
