لهذه الأسباب الجبهة الاجتماعية المغربية تدعو لمسيرة بالدار البيضاء يوم الأحد 23 فبراير
أطلقت الجبهة الاجتماعية المغربية نداء تدعو فيه إلى الخروج للشارع لمواجهة الغلاء ولمواجهة ما اعتبرته سياسة الدولة التي تمس جيوب المواطنين وتغني المافيات.
وأكد النداء أن الدعوة للخروج في المسيرة التي ستنطلق في الدارالبيضاء يوم 23 فبراير من ساحة النصر، يأتي أيضا لحماية التعليم العمومي، ومواجهة خوصصتة المدارس وتدمير مناهج التعليم وإهانة المدرسين….
وفيما يلي نص النداء:
نداء،
علاش خارجين يوم 23 فبراير..
– باش نواجهو لغلا اللي هدم أسر لمغاربة، وفقرهوم وحگر وليداتهوم، بسياسة الدولة اللي مصات الجيوب وغنات المافيات.
– باش نحميو تعليم بناتنا وولادنا من خوصصة المدارس وتدمير المناهج وإهانة المدرسين.
– باش الصحة تكون فمتناول المواطنات والمواطنين ويتجهزو السبيطارات العمومية، لتأمين العلاج المجاني.
– باش يلقاو الشابات والشباب فرص للشغل ولاسترجاع ثروة لبلاد المنهوبة باش تكون الخدمة من خيرنا.
– باش ساكنة دور الصفيح وبسطاء المغاربة يتمكنو من الحصول على سكن مناسب بلا احتكار مافيات العقار.
– باش امي وامك، اختي واختك خويا وخوك يتوفر ليهوم نقل مريح ومحترم وبثمن مناسب بلا استغلال لوبيات التسيير والتدبير.
– باش المرا ما تبقاش محگورة، بحالها بحال الراجل فالحقوق والمعاملة والخدمة الأجرة والقانون..
-باش الحرية والديمقراطية والثقافة تكون فوق راس الجميع، اللي فاسد يتحاسب والتعبير يكون حر ونشطاء الحراك يخرجو من الحبس، والشباب يكون رافعة المستقبل.
على هادشي كولو، مطالبنا متعددة، ونضالنا واحد..
نازلين يوم الأحد 23 فبراير 2020 بساحة النصر فالدار البيضا، مع العشرة ديال الصباح، نسمعو صوتنا.
الجبهة الاجتماعية المغربية.
