في انتظار أن تفتح السلطات الولائية والعمدة تحقيقا..أش وقع بالنادي البلدي ” السيمسي ” بالدارالبيضاء؟

يتواجد هذا النادي المفتوح في وجه ممارسي كرة المضرب وكرة السلة والكرة الطائرة والكرة الححديدية وكرة القدم ، يقع النادي بتراب مقاطعة سيدي بليوط
حتى لهنا مزيان..

ناض مجلس المدينة قاليك استرجاع الممتلكات وتسويتها داروا لهاد النادي للي كيسيروه موظفون جماعيون ..
مال هاد الموظفين الجماعيين ؟ هادوا كانوا دعاوا واحد موالين القهوة كاينة وسط النادي كاريينها بثمن خفييف بزاف طالبوهم بالإفراغ
حتى لهنا عاود ثاني مزيان..

شوية ع حتى دار انقلاب على رئيس النادي من طرف بعض أعضاء المكتب المديري فين داروا الجمع العام هاد الغاضبين الذين ظهروا فجأة ؟ داروه ف المركب الثقافي محمد زفزاف إمتاش داروه ؟ نهار 18 مارس مع الخمسة د العشية وايني المصيبة أشنو هي ؟

هي ان المركب فتلك الفترة كان مقفلا … السؤال شكون حل لهادوا الباب باش يتجامعوا ؟ واش الغرض من هاد الحلة ؟ وشكون كان مورا حلة مركب تحت الأشغال حسب ما كانوا كايقولوا الناس طيال المقاطعة؟ الخلاصة الأولى ، المركب كاين فسيدي بليوط وجمع عام إلى كان جمع عام تعقد فالمعاريف ؟؟؟؟؟

مزيان ،المصيبة الثانية هي ان هاد المكتب الجديد باقي كاع ما واقيلا خرج من المركب ، غيوقع على تنازل ديال إفراغ موالين القهوة .. شتي فين صدقنا … لأن تصحيح الإمضاء ديال التنازل موقع في السادسة ، أي خارج اوقات العمل المعمول بها رسميا ، المشكل ما بقاش ع هنا المشكل هو فين توقع آلمعلم ، وتوقع آخيي ف مقاطعة عين السبع … وحلل وناقش وخرج عينك ف التحليل ، إلى كان الوالي ديال المدينة فهم شي حاجة فهادشي للي عاودت راه ت أنا فهمت بلاتي أ الإخوان اش فهمتو ..؟

للي فهمت انا بعدا هوان الربحة كاينة ف القهيوة وبان بأن نبيلة عمدة المدينة يا فدارغفلون ياماشي فدارغفلون ، و الهضرة عل الممتلكات وصونها هو عنوان لإملاء الفراغ ، وكانت القهوة فيه اهم من الممتلك ، للصدف أن للي معني بهاد القهوة هو مستشار سابق بمقاطعة عين السبع ، سولو الوظف المسيني على تصحيح الإمضاء..

أعتقد بان على السلطات الولائية وعمدة المدينة أن يفتحوا تحقيقا في هذا الموضوع ، إننا بصدد واحد من ممتلكات المدينة وتبديد المال بشأنه هو جريمة ، كما ان المشروع الذي قدم به هذا المجلس والقاضي بحماية الممتلكات قد ضرب في مقتل بسبب هذا الموضوع حتى قبل نطق باسم الله