وجهة نظر بسيطة متديوهاش عليا: 88٪ ضد العلاقات الجنسية خارج الزواج رقم عادي
88٪ ضد العلاقات الجنسية خارج الزواج، رقم عادي بالنسبة لي بالنظر للمرجعية التي تفكر من خلالها الأغلبية.
هاد 88% نصفها او اكثر من النصف، يمارس هذه العلاقات لي كيرفضها، حتى هو عندي عادي جدا.
واش هادشي سكيزوفرينيا؟ ما نضونش،،
الأمر ماشي بهاد البساطة في الحكم على كيفاش كيتصرفو النلس في المجال العام (“المحكوم بسلطة القانون والأعراف) والمجال الخاص (كتضعاف فيه ديك السلط)، أو كيفاش كيلاءمو بين المعيار / المرجعية (المحكوم بفهم للدين معين هو لي منتشر اساسا، والأعراف ثانيا) وبين الواقع لي يقد يكون كيفرض سلوكات مخالفة للمعيار.
في اعتقادي أن المجتمع قديما كانت فيه المرجعية قريبة من الواقع ومنسجمة معه، أو أن المرجعية كانت كترجم الواقع،، دابا عندنا انتقال قيمي وسلوكي في الممارسات بحيث كاين تباعد بين المرجعية/” المعيار والواقع،، هاد الأمر يولد سلوكات فيها تردد، فيها حيرة، فيها اضطراب، فيها عدم رضى عن الذات حيت كتحس بالبعد ما بين المعيار والمثال، وبين الممارسة اليومية،،
هاد المرحلة الانتقالية يمكن تطول، حتى تلقا المجتمعات لي بحالنا في إطار تطورات اجتماعية وسياسية وفكرية ودينية شي تطابق او شبه تطابق بين المعيار والواقع،، يا إما الواقع غينضبط للمرجعية الدينية الكلاسيكية والأعراف المتوارثة، يا إما غيوقع تحول في المرجعية المهيمنة لصالح التجديد والحداثة وهذا ما ارجحه . والله اعلم عاوتاني
