كورونا:الدكتور بومعليف في جواب عن سؤال “دابا بريس” ه علاش التزام العزلة الصحية مهم

0
كاين غير 3 ديال الطرق باش نحاربو الڤيروسات: التلقيح، مضادات الفيروسات و العزلة الصحية… لحد الان ما كاينش اللقاح و احتا الا كان ما غادي اوجدش بالزربة حيت خصوا تجارب سريرية تاتخد الوقت يعني واحد العام تال عام و نص..باش اوجد لقاح فعال و آمن.
و لحد الآن ما كينش دوا مضاد فيروسي خاص بكوڤيد 19…كاين دوايات اثبتت بعض الفعالية كالكلوروكين و مضادات فيروسية استعملت في السابق ضد ڤيروسات اخرى من عائلة كورونا و لكن ما زال الحال باش نگولو كاين دوا فعال 100 فال 100.
الطريقة الوحيدة الفعالة هي العزلة الصحية …و هادشي علاش خصنا كاملين نلتزموا بقرار الدولة الشجاع علاش واخا العزلة الصحية صعيبة خاصها تدار ؟ قرار العزلة الصحية ما ساهلش لان عندو كلفة اقتصادية و اجتماعية كبيرة، لكن ما كاينة تا حاجة اغلى من حياة الانسان…العزلة الصحية عندها هدف واحد هو بكل اختصار ما امرضش كلشي فدقة وحدة و ما القاش النظام الصحي راسو عاجز على التعامل مع الحالات الحرجة الكثيرة.
علاش كلشي تايدوي على 14 يوم ؟ الدراسات بينات ان اغلب المرضى تايبينو الاعراض خلال 14 يوم من بعد ما تايتلاقاو مع الكوڤيد 19… 14 يوم هي مدة معقولة، باش ابان شكون اللي عندو الاعراض واخا كاين بعض الاشخاص اللي ما تايبان عندهم تا عرض 14 يوم هي مدة معقولة باش نقصوا من اشنو تايسميو العلماء سلسلة العدوى،  و بالتالي تفادي امرضوا بزاف ديال الناس فنفس الوقت. بطبيعة الحال هاد 14 يوم مدة نظرية و الدولة عندها كل الصلاحية في اعتماد مدة اطول اذا اقتضى الحال…..المهم ما حد ما التزمنا جميع ما حد ما غادي نقدوا نربحوا هاد الحرب باقل الخسائر و ف اقرب وقت.

Leave A Reply