رأي/ كرونيكميديا و أونلاين

بكاري يكتب عن صحافة الخيال العلمي وحين تؤول حركات الملك وقرارته وسكانته وإشاراته

خالد بكاري

الصحافة المقربة من صحاب السلطة او البينگا في المغرب عزيز عليها ديك اللعيبة ديال الإشارات الملكية، لدرجة احيانا كيوصلو للخيال العلمي في تأويل حركات الملك او قراراته او حتى إلغاء زيارات،، لذلك غنبارطاجي شي إشارات حتى انا،،

الإشارة الأولى: غاب اخنوش عن اليوم الأول لزيارة الملك لأگادير وإعلان المشاريع بيها، اخنوش مكان مسافر ما والو، اخنوش متعود فهاد المناسبات يكون حاضر واخا تكون في تالسينت،، وهاد المرة غاب فتمازيرت!!!

الإشارة الثانية: لي بغاو يبررو قاليك حيت برنامج الزيارة مافيهش شي حاجة عندها علاقة بوزارة الفلاحة، في الأخير تبين بلي كاين الجيل الأخضر فالبروگرام، وما تعلن عليه حتى قربات الزيارة تسالا،

الإشارة الثالثة: اخنوش من غير ديك الشي لي قال حدا الملك، وعمماتو وكالة الأنباء الرسمية، معودش هدر فالموضوع، على غير عادته، مع العلم ان المشروع كبير وبأرقام كبيرة،

الإشارة الرابعة: الصورة الوحيدة لإعلان مشروع الجيل الأخضر، ولي كاينة في وسائل الإعلام كلها، ولي طبعا صادرة عن الديوان الملكي، مكيبانش فيها اخنوش، بحيث اختارو صورة لي الملك مغطي اخنوش وراه.

الإشارة الخامسة: الترياب لي طرا في “تغازوت باي” بعد زيارة الملك لورش الأشغال هناك، شمل حتى فيلات تابعة لمشروع تابع لهولدينع أكوا ديال اخنوش، ولي تقريبا عندو 25 % من مشروع تغازوت باي،،

انا هادشي كلو يقد يكون شطط في استعمال تأويل الإشارات الملكية، على غرار الشطط في استعمال السلطة،،، ولكن لاش اغلب المواقع والجرائد لي مبرعها اخنوش بالاشهارات مقدرتش تخبر الناس أن اخنوش عندو 25% في تغزوت باي،، وانه استولى على الطريق، وانه اضاف مساحات ماكايناش في تصميم التهيئة.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى